Vinterhelg

Kva skal ein vel gjere ei helg der ein har litt god tid? Gubben er reist til Kristiansand på "Halleluja-konferanse", og dei to andre er opptatt med sitt. Det betyr : God tid til det eg har lyst til! Då vert det litt strikking innimellom slike ting me bare må gjere.  Denne helga fekk eg endeleg avsluta eit gammalt prosjekt, eit sjal i grønnlege sjateringar, av garn kjøpt i Eidenburg for lenge si. Herleg å gjere ting ferdige. Oppvaskklutar strikker eg innimellom, eg har faktisk strikka ganske mange, men ingen har til nå blitt verandes her i huset. Desse tre som er ferdige nå, skal få bu her:-). Og på fredagskvelden lokka eg minstejenta med på tur til Anny`s garnbutikk - og der fann me nydeleg garn som skal bli til ein Fana-genser, med litt personleg vri! Med andre ord: ei koseleg helg heime - der snøen har dala ner utforbi. Skikkeleg vinterver. I dag bles det i tillegg, og er me "heldige" får me skikkeleg rennefokk utover dagen. Men kanskje eg må ut og måke gardsrommet ein gong til.

Litt stikkete garn, men godt og varm.Oppskrifta fann eg på Ravelry

Ikkje lett å fotografere seg sjølv utan å få med seg dobbelhakene!
Speil gjer susen.

Våren er i anmarsj.

Nydelege jordfargar. Øverst skal me ha inn litt mellomblå i tillegg.