lørdag 30. november 2013

Adventstid

Det er advent igjen. Jammen har eit år gått fort. I år er det bare oss to gamle heime. Ungdommane styrer for seg sjølv. I alle år har eg hengt opp adventskalenderen som eg broderte då Eldstejenta var 4 mnd. Det  første året fekk ho lukte på pepparkakene og sjokoladen som eg og Gubben koste oss med. Etterkvart har den vore i bruk i mange år. I år er den ikkje pakka fram. Dei to eldste jentene våre har eigne, Guro har til og med brodert ein nydeleg sjølv. Og minstejenta har fått ein hybel-kalender, med mange nyttige ting til førjulstida. Men ein liten adventskosepakke med garn oppi frå mor har dei fått! Og Gubben har fått ein med sjokolade! Så då er me klare for adventstida likevel. Nye tider - nye tradisjonar. Fint det og!
Første gong med adventskalender!
Stilig far med vernebriller på!

Stitchery. Dette har eg kost meg med i haust.

Klar for avlevering. Håpar det gjer glede på hybelen!
Gubben er glad i sjokolade!

Adventspakkar frå mor og Københavnturen!
Flott garn frå Geilsk.
+ litt til.

Litt for mykje i strikkekorga......

Eg er litt håplaus. Eg likar så godt å ha mange strikketøy på ein gong, men samtidig stressar det meg litt. I allefall når dei er litt omfattandes. Men det er veldig greit å ha litt forskjellige spøt, sånn at dei passar for ulike settingar. Ofte har eg ein plan om at nå skal alt bli ferdig før eg startar på noko nytt. Men det held ikkje lenge. Det er noko magisk med nye nøster i flotte inspirerandes fargar. Må, bare må begynne. Men kanskje eg greier det denne gong. Nå har eg nemleg to domino-tepper, 1 jumper til Gubben, 2 jakkar til meg, samt 1 jumper eg rekker litt opp på og strikkar litt  nytt på, og ein jakke som eg vil ha nytt bakstykke på..... litt vel mykje. Dessutan finn eg nok eit sjal og ein hals og ei nisselue og i bånn av korga. For ikkje å snakke om dei fine nøstene som ligg på vent på Kammerset. Det er snart nytt år - kanskje strikkekorga mi er tom til den tid. Det gjer nye muligheter til å nye kjekke prosjekter.
Eg har begynt på den 1.armen.
Så det går nå framover.

Denne har eg brukt ei stund. Men eg var ikkje heilt fornøyd med fasongen.
Likte ikkje når den var innsvingt og litt vid i nedre kant.
Då må eg gjere noko med det....

Skal bli sjal med lilla kantar på.
Er over halvvegs.....

Ein god og varm hals - nydelige fargar!
Litt vondt å strikke av slikt buclè-garn.

Terje-genseren!
Dette går unna!
Kjekt med tjukt garn og tjukke pinnar.

På vent - i lag med mange andre nøster.
Nytt år - gjer nye muligheter!

Toppstart og nedoverstrikk

Danskegarnet er satt i produksjon. Eg måtte til og med kjøpe nye pinnar i København for å starta strikkinga mens me var der. Etter å ha auka ut så mykje som eg skulle, til nærmare 400 maskar, syns eg det såg litt stort ut. Då må det alltid prøvast på. Og jammen var det stort. Så då var det ikkje anna å gjere enn å rekke opp og begynne på ny...... Ganske kjedeleg i grunnen, men ennå kjedelegare å fullføre noko som ikkje ser heilt perfekt ut.  Så nå er eg i gang igjen, i ein størrelse mindre. Eg håpar det ser bedre ut denne gong. Eit skritt fram og to tilbake.

Så langt, men ikkje lenger.

På an igjen.

Ny start.

Det gjekk nå ganske fort å strikke det om igjen.
Spennandes å sjå korleis stripene blir etterkvart!

tirsdag 26. november 2013

Ut på tur igjen!

November har dette året vore fullt av kjekke helger ut på tur! Denne gongen var det Vestlandet som skulle utforskast. Riktignok har me kjørt vegen ein god del gonger før, men me har nok aldri lagt ut på tur så seint på året. Gode varme kler, kledd for uforusette stopp langs vegen, godt og varmt strikketøy, god mat og kaffi, og lydbøker, vart nerpakka, + full bil med ting som veslejenta trengte på folkehøgskulen. Det var nemleg dit me skulle. Lampe, skor, garn, adventskalender, fine kjolar..... + nokre overraskelsar. Me hadde ei flott helg, kjøreturen gjekk fint, sjølv om det vart ein del snø på vegen. Flott program på familiedagen på Nordfjord, med rotur på fjorden, nydelig soppsuppe i gapahuken, revy, foreldremøte, festmiddag, koseleg prat med nye venner, skulekor og tale av rektor. Flotte innslag. Og god tid til å strikke langs vegen. Med to kjøretura på 9 timar kvar - eg fekk strikka mange lappar på "Nuten". Og me tok oss og tid til å gå innom Hillesvåg Ullvarefabrikk. "Eg skal ikkje kjøpe noko!" lovte eg Gubben. Men me fann mønster på "Terjegenseren" - og den måtte me bare kjøpe med oss. Med garn. Gubben heiter nemleg Terje. Dette var ein fin rogenser - og passa utruleg fint til Terje Romann. Men eg holdt løftet mitt, det var ikkje eg, men Gubben som kjøpte garn denne gong! Men eg kan godt vere behjelpeleg med strikkinga.


I ferjekø - ein tidleg fredags morgon.
Flott veiviser!

Eit stort utendørs strikketøy  pynta fint opp
ved Hillesvåg ullvarefabrikk
.
Flott pynt.
Koselig mønster.

Ikkje like lett å velge fargar!

Så var me framme på Nordfjord
- hos ei glad Veslejente!

Flotte båtar som me skulle få prøve.

Plass til mange oppi.

Nesten "Brudeferden i Hardanger."
Eller "Foreldreferden i Nordfjorden"


Kjekt å vere på tur i lag.

Det kom ein del snø om natta.


Klar ferdig start!
Fekk lyst å begynne med ein gong.


Julestemning utfor hotellet.

Godt med ein kvil - og eit strikketøy som kan tas i bruk før det er ferdig!

søndag 17. november 2013

November - og byliv og strikking .

Tida raser mot jul! Me er allereie lang uti november. Eg har ein intensjon om å gje eit lite livsteikn frå meg kvar veke, men nå var det jammen gått lenger tid. Men betre seint enn aldri.
Eg har vore ute på tur igjen! Denne gong blei det jentetur til København. Det var veldig kjekt. Sykkelkollega Siri var godt reisefølge. To ekstra fridagar i november måtte bare benyttast. Mange kjekke butikkar, garnhandling, dansk lunsj med smørrebrød, rusletur til Nyhavn, litt julegåvehandling, middag på indisk restaurant, koselege strikke- og samtaletider på hotellrommet, og ikkje minst - julemarked i Tivoli. Det var eit syn! Utrulege mengdar lys  pynta opp overalt! Mange koseleg boder med ulike varer, og tilslutt gløgg og "æbleskiver" - som slett ikkje hadde noko med epler å gjere, men som var det me kallar munkar! Og me som trudde me fekk eplebiter oppi gløggen! Jaja, språket er ikkje alltid lett, me blei faktisk bedt om å sei ting på engelsk:-) Uansett - me hadde ei flott helg, og nå kan eg glede meg over fint dansk garn. Måtte kjøpe strikkepinner og for å komme igang med det samme.

Ullknappar.

Flotte roser

Frå Nyhavn
Nydeleg garn - og spennandes bok.

Måtte bare begynne på dette prosjektet.
Minte litt om eit nytt sytråd-strikk.

Sånn skal det bli - bare i blåe, lilla og turkise fargar!
Og eg skal få meg ny lue etterkvart!
Legg merke til erta!
Denne blir tøff!
Utruleg stemningsfullt å gå her om kvelden!
Det kan anbefalast!

Damene på tur!
Koseleg pynta!