Ut på tur - i Friluftslivets år!

Nytt år - nye muligheter. 

Nye dagar, nye opplevingar, nye turar. 

Kva vil dette året bringa, tru? 

Oppturar?

Nerturar?

Me veit heldigvis ikkje så mykje ennå, 

me må bare gripa dagane etterkvart som dei kjem.
Ein dag om gongen.

Det har me øvd oss på denne jula.

I dag var me ute på den 1.turen vår i "prosjekt 52 turar". 

Kva skal til for at ein tur skal reknast med i dette prosjektet?

Me har sett opp nokre kriterier. 

Det er viktig å ha om ein skal kunne sjekke måloppnåing i andre enden av året.

1. Me må ta på turkler.

Då vert det ein litt meir planlagt tur, 

ikkje bare ein rusletur bort til naboen.

2. Det skal kunna passa inn med ein rastepause, eller matpause.

3. Turen skal loggførast.
Det vil seie: lengde, tid og høgdemeter og ver skal noterast ner.

Strendene her på jæren er ein flott plass, som mange benyttar seg av. Store bølger som slår mot land, vind, sand, rullesteinar, grasbakkar, og mange stiar innimellom som viser at her likar folk å gå.

 I dag starta me frå hengebrua på Bore stranda, og gjekk over fleire strender til me kom til Hellestø. Me  snudde  i den nordre enden. Så kan me starta der i frå ein gong - og gå vidare nordover.

Lengde: 9, 27 kilometer

Tid: nesten 2 timar

Høgdemeter: bare 7 i dag

Ver: Overskya og disig. 7 grader.

Det er fasinerandes med bølger.
Det rullar og rullar,
slik dei har gjort i
tusenvis av år.

Turgubben!

Han var så glad av å vere på tur!

Englespor.
Mykje rart ein kan finne på ei strand.

Dagens gladhopp.
Må øve litt meir på splitthopp.
Her snudde me.
Litt meir motvind på tilbaketuren.

Feistein fyr - ute i havet.

Matpakken i dag var kvar vår mandarin!

Desemberstrikk.

Lange mørke ettermiddagar,  storm og styggever ute, ein god sofa, godt og varmt med fyr i ovnen,  eit rom fullt av fint garn - ein perfekt kombinasjon for gode strikkepausar i desember. Litt julegåver er avslutta,  og strikkekorga var nesten tom.

Litt  hemmeleg...

Då var det på tide å sette i gang med noko nytt. Stripegenseren nærmar seg veldig slutten, nå har eg bare kantane  igjen. Og feste 1 million trådar.....

Raglandsfelling

Ellers har eg latt meg friste over evne. To posar med garn er innkjøpt! Men begge prosjektar kan bli gode og nyttige. 1.pose er garn til ein julegenser. Det har eg igrunnen hatt lyst på lenge. Eg jobbar som lærar i småskulen, er med andre ord litt "barnsleg" av meg. Derfor har eg lyst å ha ein fin julete genser til bruk i adventstida. Nå har eg funne eit mønster på Ravelry, av Maria Simonsen . Den likte eg kjempegodt! Så nå er mønster og garn innkjøp, det røde garnet hadde eg liggandes. Genseren var kun i str L, men ved å velge eit tynnare garn, Sisu, trur eg den blir akkurat passe til meg.  Eg er allereie godt i gang.

Mønsteret nede.
Eg gler meg til snømennene som kjem etterkvart.

Neste prosjekt er ein pose mjukt  Tweed-garn frå Sandnes. Det skal bli ein litt sid jakke som passar til feks. kjole og skjørt. Herlig garn - og godt å strikke av. På pinne nr.5 går det raskt unna.

Og jammen fant eg meg ei fin oppskrift som eg skal bruke det regnbuefarga Kauni-garnet mitt til. Eg gler meg til å gå i gang med det.  Kjem tilbake til det etterkvart.

Ha ein god adventstid vidare.

Restegarn og garnslanking.

Kvardagen er i ferd med å normalisere seg. Jobb, middag, kaffikos med avis, strikk og frukt i sofaen, og diverse aktivitetar på kveldstid. Me er så og seie ferdige med malinga i denne runde. Dvs - eg er heilt ferdig. Gubben har ei trapp igjen. Så nå er det herlig å finne roen innimellom med strikketøyet igjen. Me kosar oss i den nye stova, og har funne nye plassar til både nokre møbler og bilder. Kjekt å ommøblere litt.
 
Ein liten titt i strikkekorga viser at det er ikkje så mange påbegynte spøt for tida. Eg har jo nokre langtidsprosjekt, tre tepper er under produksjon, men det eine nærmar seg toppen, så det har eg tatt fram igjen. Må få det ferdig nå snart. Regnbue-restegarn-teppe er ikkje så stort ennå, men plutselig ein dag er det lengre! Og det siste teppe - til Reise-Guro- skal vere ferdig til 25 års dagen hennar. Ho fyller snart 24 nå i mars........ litt god tid, med andre ord.

Domino X 2

Strukturteppe i grått.

Ellers har eg hatt både ein jakke og ein jumper på pinnane ei stund. Danskejakken er endeleg ferdig - blei kjempegod - tynn og lett, kjenner nesten ikkje at den er på. Eg er godt fornøyd med resultatet. Herlig med fargar. Litt tynt garn, kjente det særleg på slutten då eg bare strikka med det gråe garnet. Litt vanskeleg å få fine kantar. Men nå er det ferdig! Hurra!

Ferdig!

Kjøpte fine knappar og i København.

Den kvite genseren i ull/lin -  i dobbelt garn, nærmar seg og slutten. Eg er godt i gang med raglansfellinga. Den ser jo ut som eit pølseskinn, men det er jo ribbestrikk, det strekker seg heldigvis ut ved bruk. Blir nok bra den og :-) Lingarnet har eg hatt liggandes to - tre år på kammerset, så det er godt å få det brukt. Eg suplerte med ulgarnet - før jul.

Kjekk å strikka, mønsteret er frå Annette Danielsen.

Når ein nærmar seg slutten på fleire prosjekt, må ein jo tenke vidare og legge planar for framtida. Kva skal eg nå gripe fatt i tru? Eg likar godt å rusle inn på Kammerset og trekke ut litt korger, kikke på nydeleg garn og planlegge. Eg fann ei fin oppskrift i Anette Danielsen si bok: Østen for solen. Her var rygg, framstykke og armar strikka i ulike fargar og struktur. Dette passte meg. Eg fekk for nokre år sidan ein stor fin bunt med blått garn frå Tallinn av Minstejenta. Eg har ikkje fått brukt den ennå. Nå fann eg fram diverse andre restar og sette saman ein brukbar kombinasjon. Dobbelt tråd av to tynne garn gjer eit fint fargespel. Så nå blir det ennå ein jumper - i blå/turkise fargar. Syns det var kjempelurt å bruke ulike garn - då får eg jammen slanka lageret mitt litt og.

Herlige fargar.
Mine fargar.
Den rustrøde skal brukast til halskant.

Måtte strikke prøvelapp,
slik som Eldstejenta er så flink til.

I gang.
Tenker dette blir framstykket.
Strikka av Tallingarnet.

Sånn skal den bli!

 Kanskje utfordringen vidare må bli - kor mange gensrar klarer eg å strikke av garnlagaret mitt? Eg greier nok ein del til! Men treng eg så mange då? Neppe. Men med eit kjøpefritt år på kler og passar det fint å strikke seg noko nytt. Det kostar jo ikkje noko ekstra!

Nytt prosjekt.

Me har starta på eit nytt prosjekt. Eit felles prosjekt, Gubben og eg. Det er han som er prosjektleiar og fagansvarleg, eg bidreg med abeidskraft, rydding og å halde hjula igang. Det er stova som skal pussast opp! Me har mykje panel, me likte det godt då me bygde i 1992. Etterkvart har både vegger og tak inntatt ein gulare glød enn  det me likar. Så etter å ha grua oss og tenkt og planlagt lenge, og "prøvemalt" på hytta, så sette me igang. Tormod Turleiar sette fart i oss, slik at det blei ein "Flying start". Han stilte med muskelkraft og var med og tømte stua og fekk stillas på plass. Me har nemleg nesten 4 meter høgde under taket, i den eine delen av stova. Så då me pakka jula ner, fortsette me bare å pakke ner resten av stova og . Eske og  småmøbler blei plassert på gjesterommet, pianoet havna på Kammertset, og dei store møblene står under plast i stova ennå. Må vekk dei og når golvet skal pussast og lakkast. Jaja, ein ting om gongen. Nå er det høge taket nesten ferdigmalt, det går jo greit når me først setter i gang.

Og strikkinga:
eg slappar litt av innimellom
og strikker nokre omgangar så fort eg kan. 

Pakking av stova

Det blei mange esker.

Ser ut som ein byggeplass.

Då var me i gang!
Den rosa stripa kom fram då Gubben
fjerna den flotte tapetborda som stod der.
Heile stova var gammalrosa i 1992.
Nå blir det kvitt.

Det blir jammen stor forskjell!

Balansekunst - må holde meg fast i taket!

Synd å vere inne når veret er fint ute....

Kammermusikk på Kammerset!
Utruleg kva som får plass her.

Noko av pyntetinga vaglar seg oppå strikkehylla!

Møblene er stabla saman.
Spisebordet blei plutseleg arbeidsbord.

To strøk er ferdigmalt.
I morgon skal me male det siste.
For på tysdag kjem Sterke-Tormod igjen.
Då skal stillaset vekk.

Nyttårsfortsett for 2014.

Då eg var liten, var det viktig å finne på nyttårsforsett. det var jo alltid noko eg kunne bli flinkare til i det nye året. Men me hadde jammen ikkje komme langt uti januar før alle fortsetta var forsvunne i vinden. I fleire år har eg hatt planar om å minke garnlageret mitt. Men lite har skjedd. Det er altfor lett å planlegge og handle inn til nye prosjekter. Men  - i år gjelder det.
I året 2014 skal eg ikkje kjøpe inn noko garn.
Ska tru om fortsettet  forduftar i januar denne gong og? Eg håpar ikkje det, eg er nemleg "gira" på å ta utfordringen og stålsette meg sjølv. Det føles jo ganske godt når ein greier slike ting som ein har sett seg føre. Og - det blir ikkje strikketørke på ei stund! Eg har ikkje vegd garnet, men jammen er det mange posar og korger. Eg kan få mykje fint ut av dei.
Men kanskje eg må ha eit unntak: dersom eg er på ein utanlandstur, og finn noko nydeleg garn som dei ikkje sel heime: då kan eg kjøpe litt!

Så får me sjå korleis dette går - neste års kavalkade kan bli interessant!

Regnbueteppe nr 2 er såvidt påbegynt.
Det må bli ferdig i 2014

2 sortar Kauni.
Litt usikker på kva det skal bli.

Bomullsgarn.
Har tenkt å strikke ein del gryteklutar.

Romjulsstrikk.
Englesang over kjøkkenbenken.
Kan bli til fine presangar.

Julepresang frå Guro-jenta mi.
Kanskje eg og vågar meg på slike?

Tynnt ullgarn

Sokkegarn.
Men egentleg syns eg det er uendelig kjedelig å strikke sokkar.....

Alpakka-restar.
Kan faktisk bli ein fin stripejakke.

Tynn bommulstråd.
Vaskefiller, vaskeklutar........
Det er bare å sette i gang.

Og så var det dunkane under benken.
Fulle av garnposar frå Sandnes garn.
Av og til bur me altfor nær ein garnfabrikk.....

Denne posen har eg fått!

Men - planar er til for å endrast! Mykje kan skje på eit år.

 Plutseleg kjem jentene heim og treng nokre nøster......

PS. Klesskapet mitt er også fullt. Eit år utan nyinnkjøp er planen der og!

Godt nytt år til alle lesara- både nye og gamle!

Litt for mykje i strikkekorga......

Eg er litt håplaus. Eg likar så godt å ha mange strikketøy på ein gong, men samtidig stressar det meg litt. I allefall når dei er litt omfattandes. Men det er veldig greit å ha litt forskjellige spøt, sånn at dei passar for ulike settingar. Ofte har eg ein plan om at nå skal alt bli ferdig før eg startar på noko nytt. Men det held ikkje lenge. Det er noko magisk med nye nøster i flotte inspirerandes fargar. Må, bare må begynne. Men kanskje eg greier det denne gong. Nå har eg nemleg to domino-tepper, 1 jumper til Gubben, 2 jakkar til meg, samt 1 jumper eg rekker litt opp på og strikkar litt  nytt på, og ein jakke som eg vil ha nytt bakstykke på..... litt vel mykje. Dessutan finn eg nok eit sjal og ein hals og ei nisselue og i bånn av korga. For ikkje å snakke om dei fine nøstene som ligg på vent på Kammerset. Det er snart nytt år - kanskje strikkekorga mi er tom til den tid. Det gjer nye muligheter til å nye kjekke prosjekter.

Eg har begynt på den 1.armen.
Så det går nå framover.

Denne har eg brukt ei stund. Men eg var ikkje heilt fornøyd med fasongen.
Likte ikkje når den var innsvingt og litt vid i nedre kant.
Då må eg gjere noko med det....

Skal bli sjal med lilla kantar på.
Er over halvvegs.....

Ein god og varm hals - nydelige fargar!
Litt vondt å strikke av slikt buclè-garn.

Terje-genseren!
Dette går unna!
Kjekt med tjukt garn og tjukke pinnar.

På vent - i lag med mange andre nøster.
Nytt år - gjer nye muligheter!