Vår og strikk

Det er definitivt vår. Fuglesang, blomster som spirer, herlige sykkelturar, varmare og lysare dagar, sol, (og nokre regndager innimellom) . Våren er flott. Utruleg flott årstid. Og så har me heile den gode sommaren tilgode.
 Men strikking - det må me alltid ha tid til. Nokre prosjekt er avslutta, slik som den lyse lin/ullgenseren. Kjekt å få den ferdig. Og nå nærmar det seg teppeslutt. Alle lappane er ferdigstrikka, nå har eg begynt på kanten rundt. Den kan jo ta litt tid den og, men det nærmar seg jo påske og ferie.

Og så har eg starta eit nytt prosjekt. Eg har jo masse garn liggandes. Og mykje tynt ullgarn, slik som sisu og babyull. Litt vanskelig å komme på noko lurt med det. Men så las eg på Aftenbladet sin håndarbeidsblogg, der dei hadde strikka teppe etter inspirasjon frå Arne og Carlos. Ganske artig, så derfor har eg og begynt på eit. Teppe er jo flott, nå blir det rillestrikk, med to fargar om gangen. Godt bilstrikk - då treng eg noko utan mønster.

Ferdig!

12 ruter igjen,

Snart slutt!

Ferdig!

Eg trur eg satsar på ein kant i desse fargane.
Den brunlige kjem til å skifte farge undervegs!
Brun-grå-melert Kauni-garn

Nytt bilstrikk.

Ut på tur.

Sånn kan det bli!

Restegarn og garnslanking.

Kvardagen er i ferd med å normalisere seg. Jobb, middag, kaffikos med avis, strikk og frukt i sofaen, og diverse aktivitetar på kveldstid. Me er så og seie ferdige med malinga i denne runde. Dvs - eg er heilt ferdig. Gubben har ei trapp igjen. Så nå er det herlig å finne roen innimellom med strikketøyet igjen. Me kosar oss i den nye stova, og har funne nye plassar til både nokre møbler og bilder. Kjekt å ommøblere litt.
 
Ein liten titt i strikkekorga viser at det er ikkje så mange påbegynte spøt for tida. Eg har jo nokre langtidsprosjekt, tre tepper er under produksjon, men det eine nærmar seg toppen, så det har eg tatt fram igjen. Må få det ferdig nå snart. Regnbue-restegarn-teppe er ikkje så stort ennå, men plutselig ein dag er det lengre! Og det siste teppe - til Reise-Guro- skal vere ferdig til 25 års dagen hennar. Ho fyller snart 24 nå i mars........ litt god tid, med andre ord.

Domino X 2

Strukturteppe i grått.

Ellers har eg hatt både ein jakke og ein jumper på pinnane ei stund. Danskejakken er endeleg ferdig - blei kjempegod - tynn og lett, kjenner nesten ikkje at den er på. Eg er godt fornøyd med resultatet. Herlig med fargar. Litt tynt garn, kjente det særleg på slutten då eg bare strikka med det gråe garnet. Litt vanskeleg å få fine kantar. Men nå er det ferdig! Hurra!

Ferdig!

Kjøpte fine knappar og i København.

Den kvite genseren i ull/lin -  i dobbelt garn, nærmar seg og slutten. Eg er godt i gang med raglansfellinga. Den ser jo ut som eit pølseskinn, men det er jo ribbestrikk, det strekker seg heldigvis ut ved bruk. Blir nok bra den og :-) Lingarnet har eg hatt liggandes to - tre år på kammerset, så det er godt å få det brukt. Eg suplerte med ulgarnet - før jul.

Kjekk å strikka, mønsteret er frå Annette Danielsen.

Når ein nærmar seg slutten på fleire prosjekt, må ein jo tenke vidare og legge planar for framtida. Kva skal eg nå gripe fatt i tru? Eg likar godt å rusle inn på Kammerset og trekke ut litt korger, kikke på nydeleg garn og planlegge. Eg fann ei fin oppskrift i Anette Danielsen si bok: Østen for solen. Her var rygg, framstykke og armar strikka i ulike fargar og struktur. Dette passte meg. Eg fekk for nokre år sidan ein stor fin bunt med blått garn frå Tallinn av Minstejenta. Eg har ikkje fått brukt den ennå. Nå fann eg fram diverse andre restar og sette saman ein brukbar kombinasjon. Dobbelt tråd av to tynne garn gjer eit fint fargespel. Så nå blir det ennå ein jumper - i blå/turkise fargar. Syns det var kjempelurt å bruke ulike garn - då får eg jammen slanka lageret mitt litt og.

Herlige fargar.
Mine fargar.
Den rustrøde skal brukast til halskant.

Måtte strikke prøvelapp,
slik som Eldstejenta er så flink til.

I gang.
Tenker dette blir framstykket.
Strikka av Tallingarnet.

Sånn skal den bli!

 Kanskje utfordringen vidare må bli - kor mange gensrar klarer eg å strikke av garnlagaret mitt? Eg greier nok ein del til! Men treng eg så mange då? Neppe. Men med eit kjøpefritt år på kler og passar det fint å strikke seg noko nytt. Det kostar jo ikkje noko ekstra!

Ein fin sundag!

Ein fin sundag er snart over. Det har vore kjempegodt med ein fridag. Så i går kveld vart dagen planlagt, med tur til Bjødnaliå og besøk på Hå gamle Prestegård.Me pakka med oss kjempegod mat, tok fram bilstrikket og turkler og drog i veg. Det var lenge si me hadde vore her. Gjekk der ein del då ungane var små. Sola titta fram då me var klare for å finne fram nistepakken, så det passte jo fint. Herlig å vere på tur igjen. Me må jammen vere flinke å bruke fine fridagar utover våren til turar, aller helst opp på ein fjelltopp. Det likar eg aller best. På Prestegården såg me ein utstilling, før me kjørte nerom Madland havn og såg på bølgene - og åt opp resten av nista! Ein god og avslappandes sundag. ( Og etterpå blei det rydding av Kammerset, og oppheng av litt ting på kjøkkenet).

Gubben på tur.

Herlig med rennandes vatn.

Fin sveis.

God mat høyrar med.
Restar frå i går og gode tortillalefser med fyll.
Og Kvikk-lunsj til Gubben.

Flott gammal prestegard.

Nydelig dør,
skulle gjerne hatt den heime.

Utsikt frå løa, der utstillingen hang.

Fasinerandes bølger.
Best frå bilvinduet.

Furet, værbitt......

Allereie mars?

Eg trur me har vore i hi i vinter. Det kjennest iallefall litt slik. Full fart heim frå jobb, sluke middag - og på med malekleda. Me har brukt mange timar, mykje maling, og mest av alt kost oss med arbeidet. Men det har tatt tid og ein del krefter. Kjenner at det er godt å finne senga når kvelden kjem sigandes. Det gjer godt å få til noko, og vere fornøyd etterpå med både innsatsen og resultatet. Nå er vegger og tak ferdige, i både stove, kjøkken, gang 1.etasje og gang 3.etasje. Det øverste trappa er snart klar, og den nederste trappa har nokre malingsstrøk igjen ennå. Men ellers minkar det veldig. Nye gardiner er komne på plass, møbler er tatt fram og bildene skal snart opp på veggen. Me har benytta anledningen til å rydde litt i skuffer og skap, og prøver å ikkje sette på plass igjen ting me ikkje likar så godt lenger, eller som er utslitt. Godt å rydde litt.

Litt putle-arbeid.

Av og til er det praktisk å vere lågast i familien.
Då kan eg nemleg balansera
sånn nokonlunde oppå kjøkkenbenken
uten å bøye hodet så mykje.

Innimellom strøka har me og vore på vinterferie med masse snø, kjøpt ny bil, ("store Blå"), og vore med på ein kjempevellykka boklansering for Eldstejenta si  bok -   "Syltetøy året rundt" .Nydeleg bok! Kan anbefalast.

Stor og flott bok. (og jente:-) )

Nydelege smaksprøvar

Bøkene gjekk verkeleg unna!
Det var mange som ville kjøpe.
Og nå kan ho finnast i mange bokhandlara.

Men andre ting har visst blitt sett litt på vent. Ikkje like godt å vere på topp på alle frontar heile tida. Bloggen har stillna litt, og faktisk strikkepinnane og. Ikkje like mykje tid igjen til det. Men nå er me i gang igjen.

Einaste ferdige prosjekt i det siste -
varm shorts til Minstejenta.

Ein liten smakebit frå den "nye" stova vår.
Nymalt vitrinskap

Nye gardiner.
Heilt tynne og lette.
Dei gamle gav eg bort på Finn.no

Grå trapp.

Frå kjøkkenet.
Gråe liftgardiner der.

Ferdig - for siste gong!

Kvardagen er for tida litt travel. Det går mykje i  i jobb og maling. Men eit prosjekt er likevel avslutta, på tross av at strikkepausane er småe. Strikkepinnane er jo bytta ut med malekost dei aller fleste dagane. Nå har me malt i ein måned, mykje er ferdig, men ein del er igjen og. Men innimellom bare må eg strikke litt. Og etter maleøkta, når me sig ner i kvar vår godstol på loftstova, då er det tid for nokre omgangar med pinnane.
Nå er det "hus-og blomster-jumperen" som er ferdig. Den rekte eg opp  nedre delen av, for eg irriterte meg over vrangborda som stod ut i "lause lufta"! Sikkert bare eg som såg det, men slik er det nå ein gong. Eg tar heller arbeidet med å strikke den på ny, enn å gøyme den innerst i klesskapet. Dyrt garn og.... Men nå er det ferdig, både strikka opp igjen og maska på øverste delen, så nå kan eg bruke den igjen. Hurra! Men det er siste gong eg gjer noko med den jumperen.

Med malinga går det framover. Gubben har stor arbeidskapasitet, han utnytter dagane fullt ut. Eg heng litt halsande etter. Likar nok best å få det servert og tilrettelagt, slik at eg kan bare komme når utstyret står klart, og så ryddar han opp igjen etterpå. Men eg ser at eg greier meg bra eg og, og det gjer god mestringsfølelse. Eg har alltid vore litt slumsen, men eg kan vere nøyaktig med dette og, om eg bare vil:-)
Nå er stova, gangen oppe, halve kjøkkenet og  vitrinskapet ferdig. Gelender og trapper er under arbeid, og gangen nere, resten av kjøkkenet og ei bokhylle skal snart begynnast på. Me ser snart slutten! Men det er kjekt å jobbe samen,  for Gubben og meg, av og til i stillhet og av og til med gode samtalar.

Trappespiler

Gelender på geledd.

Me har åpen løysning med to trapper i stova.
Det blir mange gelender og spiler av det.

Hyllene til vitrinskapet.

Det billige skapet som me kjøpte brukt for lenge sidan, har blitt grått.
Eg syns det er artig å bruke om igjen ting, og ikkje bare kjøpe nye.
Eg er godt fornøyd med fargen, grått utanpå og kvit inni. Inspirert av kollega Mari.

Den-store-syltetøy-bok-dagen!

Det nærmar seg den store dagen. Syltetøy-bok-dagen! Me gler oss veldig til det. Og for å markera dette skal Eldstejenta arrangera ein boklansering eller event. Sett av 5.mars alle som kan og har lyst, dette blir nok ein flott arrangement. Alle er hjerteleg velkommen, men meld deg på til www.matildeskår.no. 

Meld deg på!

Bestillingsverk og produksjonsstans.

Januar har på strikkefronten vore prega av å gjere ferdig påbegynte arbeid. Eg syns eg låg godt an, og hadde fleire arbeid som er nærma seg slutten. Men så vart det plutseleg produksjonsstans. Eg fekk nemleg ein telefon frå Veslejenta: "Mor, har du lyst å strikka ein shorts til meg som eg kan bruke nå i vinter?" Kven kan stå imot slike fine spørsmål? Når du veit Veslejenta ligg ute i både telt og snøholer, så er det kjekt og meingsfylt å strikke eit godt, varmt plagg! Så då var det fram med ein strikkepose frå Kammeset, pinnar og ei mønsterbok - og eit nytt strikketøy er påbegynt. Fort gjort! I allafall å begynna. Dei andre strikketøya får kvila litt, det er jo litt viktig å ikkje ha dette som eit langtidsprosjekt, då kjem plutseleg våren og varmare tider. Maledagane er ikkje over ennå, men innimellom må eg jo strikke litt. Eg bare må. Så når februar er over, er kanskje strikkekorga mi tommare! Time will show! Viss ikkje, så kjem mars med mange fine strikkedagar, kanskje i solveggen og?

Kjekt å finna fram ein pose med fint garn.

I gang - med skyggar på bildet!

Går litt raskt og, særleg om ein titterpå TV samtidig.

Danskejakken veks og - 1.arm er snart ferdig.