Hagen min.

Eg er så heldig at eg har ein hage. Av og til er den ganske forvokst og strevsom. Me har det ganske bratt, og ligg nordvendt til, så det har vore ein del utfordingar opp gjennom åra. Men innimellom, når Gartnaren har fått jobba litt, då er eg riktig så fornøyd med hagen min. Heldigvis har eg ein Gartner - Gubben likar godt å stulle og stelle og ta dei tyngste taka. Og så kan eg vere assistenten. Eg syns det er ei grei ordning, for dei tyngte løfta og spadetaka passar nok ikkje så godt til min rygg. Nå er me akkurat inne i ei god jobbeøkt i hagen. Etter eit fjorår med minimalt arbeid, (då bygde Gubben kyrkje!) tregtes det sårt med nokre ettermiddagar og  kveldar ute. Og så er det jo kjekt å gjere noko samman. Plutseleg er noko for stort eller visna, og nye planter måtte kjøpast inn. Litt ny mold i beda, og eit par tilhengarlass med bark håpar me og å få på plass denne veka. Men på ein søndag er det fint å rusle rundt og kikke på det som spirer og gror, og sitte ner og nyte sommarsola.

Markjordbær
- som har funne seg ein plass i hagen
og trivs veldig godt.

Frå kjøkkenhagen.
Gubben har planta ulike løkar.
Gler meg til hausten

Blir nok mykje rips i år og.

Solbær - vil nok ha
litt meir sol enn det den får her.
Flytting må nok til

Gartneren - i bakhagen,
der alt er litt vilt.

Taket på Eldhuset.
Fin gammal årgang.

Blodbøka begynner å bli vel stor.
Må kanskje beskjærast litt.

Syriner - flotte på denne tida.
Her oppe i hagen er utsikten flott!

Heggen frå Røssdalen.
Planta som ein liten kvist.

Eg har ein bambus bak huset.
Gubben hadde igrunnen ikkje tru på at den
ville trivast, men det gjer det.

Gjerdet på toppen av tomta.
Furet værbitt.....
Treng eit strøk beis her visst.

Plass til ved har med og.

"Lille Persille i hagen står"
I ei gammal krukke.

Grasløk - blomstrar snart fint!

Rhododendron.

Litt gran - eller kulegran som den heiter.

Kjekt med litt fargar.

Båten "Malena" er og heime i gardsrommet.
Gubben likar å hekte den på bilen
og ta seg ein rotur i fint ver.

Eg har funne fram igjen den strikka sykkelen.
Den har stått inne i vinter.
Men den har tapt seg...
Den er blitt ganske falma og har ein god del grønske.
Gode råd mottast med takk!

Eg er glad i gamle bord.
Dette har stått ute i mange år.
Utruleg at det "lever" ennå.

Gamle melkespann og ei gammal krabbeteine.
Kjekt å ha.

Her er fint å ete frukost.
Her kjem sola først.

Eldhuset og leikehytta.

Kjekt med liljekonvall

Trapper og gelander har me ein del av.

Godt at Gubben likar å jobbe med stein.
Han har laga mange murar og trapper.
Og byggverk ( Eldhuset, leikehytt)

Vegen opp til kjøkkenhagen.

Og nederst i hagen står lyktestolpen.
God og varm i sommarsola.

Tulipanane er snart på hell.

På pinnane i mai.

Eg strikkar stadig. Kanskje ikkje nokon overraskelse. Eg jobbar meg jo nedover i garnlageret mitt dette året, og det er eit ganske kjekt prosjekt. Eg finn stadig på nye ting eg har lyst å strikke med det garnet som eg har. Noko garn er ganske gammalt, noko er ganske nytt. Men alt finn eg på Kammerset. Men eg skal inrømme: eg har kjøpt 2 nøster for å gjere ferdig kanten på Nuten-teppet, og litt nytt garn til nye sitteputer i trebåten. Eg hadde ikkje nok i restegarnet. Men slik må det vere - teppet kunne ikkje ligge resten av året pga oppbrukt garn. Akkurat nå er det dette eg har på pinnane:

Bestillingsverk:
Gubben har bestilt nye sitteputer til trebåten:
Me skal på festival i sommar
- me må sitte skikkelig godt og varmt då.
Restar frå Terjegenseren.
Skal tovast.

Teppet veks!
Herlig med "mine" fargar.
Eg finn mykje garn som passar inn her.

Eit anna tove-prosjekt.
Skal bli pute til solstolen som er litt kald.

Striper i bomullsgarn
Skal bli håndkle til gjestetoalettet..

Vestlands-helg.

Me har hatt ei flott helg. Langtur langs Vestlandet ei vårhelg i mai er som regel ein flott opplevelse. Fint ver, nyutsprungen bjørk, snø på fjelltoppane og kvitveis i grøftene. Me hadde ikkje mykje baggasje på oppturen, bare litt mat, strikketøy, bunad og litt kler for to-tre dagar. Men på heimtur var bilen fyllt til randen! Veslejenta er nemleg ferdig på folkehøgskulen, og nå skulle flyttelasset heim igjen. Mykje turutstyr, garn ...... mange nyttige ting. Me fekk vere med på ein flott avslutningsfest på skulen! Flotte ungdommar, veldig mange i bunad, flott underholdning, mykje ungdommeleg energi, god mat, og mange kjekke folk. I tillegg fekk me ei natt på hotell, med nydelig middag om kvelden, og ei natt hos storesyster Jorunn i Ulsteinvik! Flott laurdagskveld i solnedgangen i vinterstova - med fantastisk utsikt! Sundag vart ein lang dag i bilen. Heldigvis likar Gubben godt å kjøre, og eg likar å strikke. Det blei ein del cm på stripeteppet mitt! Kjekt når det aukar.

Ærverdige Gloppen Hotell!
Me sov godt her 1.natta.

Nydelig middag.

Rusletur i Sandane om kvelden,
når sola gjekk ner.

Flott kveldshimmel.

Gubben er flink til å stue inni bilen.
Og Veslejenta hadde gjort ein grundig pakkajobb.
Alt fekk plass inni bilen!

Ikkje lett å sjå ut av bakruta nå.

To gode venninner.

Utsikt frå Varleit.
Nydelig utover sjøen og skjærgården.

Så gjekk turen sørover igjen.
Flott med fjord og fjell og snø.

Heime blomtra epletreet.
Det blir kjekt med mange epler til hausten.

Vinn ei signert bok - "Syltetøy året rundt".

Eg er ei ekte forfattar-mor.  Eldstejenta har, som eg tidligare har fortalt om, gitt ut
si eiga syltetøybok. Den er flott! Stor bok, flotte bilder og mange gode oppskrifter.Og ein stor teori-del der ein kan læra det meste som er verd å vite - om syltetøy-laging. Og for å innrømme det med ein gong - det er dessverre ikkje meg som har lært ho opp. Ho likar nye utfordringar og finn stadig på nye kreative  ting. Ho har nettopp avslutta ein "Give-away" på sin eigen blogg, og nå har eg fått ei signert utgåve som eg kan få lov å gje vekk! Så om du ikkje var heldig i hennar trekkning, så har du sjansen her!

Alt du treng å gjere er å legge igjen ein kommentar nedanfor der du seier kva som er ditt yndlingssyltetøy. Då er du med i trekningen om ei flott og unik bok.

Fristen for å delta er 18.mai

Hytteliv.

Ei god og avslappandes helg er over, og jammen fekk me ei fin helg i Ryfylke denne gongen og. Både Gubben og eg har jobba med ulike ting, eg har førebudd alle foreldresamtalane som eg skal til med denne veka, og Gubben har tatt seg av vedlikehald av diverse hytteting. Alltid noko ein kan fikse på aller vedlikehalde når ein har ei hytte. Men "Ut på tur"- mottoet vårt har me brukt denne helga og. Sykkeltur, skogstur, langs-svadberga-tur, fjelltur, og biltur. Kjekt med variasjon.  Sykkelturen vart rundt øya - 15 km. Skogsturen er vår faste runde i skogen - 4 km. Rusleturen langs svadberga, over brygger og gjerder og gjennom utmark, vart 5 km. Fjellturen gjekk til Skomakarnibbå og er ein knallflott tur på 12 km og mange høgdemeter! Herlig tur! Og bilturen - foruten å kjøre fram og tilbake til hytta - den vart på handletur til Hjelmeland. Koseleg det og. Me kosar oss på tur i lag - sjølv om me av og til må reise aleine.

Kjekt å rusle mellom fine naust.

Masse flotte strandnellikar veks på berga.

Litt planke-trening blandt blomane!

Næringsrike sprekker i berget.

Askeladden på tur:
Eg fant, eg fant...

På veg til fjells -
flott med nye leikne lam.

Flott utsikt over øyane.
Og garden der me parkerte bilen ved.

Terje på Karastykket!
eg torer framleis ikkje snuble meg ut her.

På kanten av stuuuuupet.
Med "Nibbå" like bak.

Me må alltid oppom varden på fjellet like bak Skomakarnibbå,
Høgehei - som er 743 meter høg.
Må alltid tøyse litt!

Utsikt frå skogsturen!
Godt å gå i ulendt terren og
komma seg opp i høgden.

Det var nydelig i hyttehagen denne helga.
Rhododendronane stod i full blomst.

Og plommetreet ser ut til å få masse plommer i år og.

Og mykje  svarte stikkelsbær.